Innri þróunarmarkmiðin
6 vikna námskeið – kennt einu sinni í viku, hver tími er 2 klukkustundir. Næsta námskeið hefst 13. október 2026 og er kennt við Símenntun HA og fer skráning fram í gegnum Símenntun HA: Skráning
Innri þróunarmarkmiðin (Inner Development Goals – IDG) er 6 vikna námskeið fyrir einstaklinga, stjórnendur og starfsfólk sem vilja efla innri styrk, vellíðan og hæfni til að takast á við áskoranir samtímans. Á námskeiðinu er farið yfir hvernig eiginleikar á borð við sjálfsþekkingu, samkennd, hugrekki, sköpunargáfu og innri áttavita geta stuðlað að jákvæðum breytingum í einkalífi, starfi og samfélagi.
Námskeiðið byggir á alþjóðlega IDG-rammanum sem þróaður var til að styðja við Heimsmarkmið Sameinuðu þjóðanna (SDG) með áherslu á hvaða innri eiginleika þarf að leggja rækt við til að styðja við ytri breytingar. Kennslan samanstendur af fræðslu, umræðum, verkefnum og æfingum sem styðja þátttakendur í að lifa og starfa með meiri meðvitund, jafnvægi og tilgangi.
Á námskeiðinu er farið yfir:
Hvað Innri þróunarmarkmiðin eru
Farið yfir tilurð og sögu markmiðanna og hvernig þau tengjast Heimsmarkmiðum Sameinuðu þjóðanna. Þátttakendur læra hvernig markmiðin hafa snertingu við eigið líf, vellíðan og farsæld.
Að hafa áhrif og lifa í takt við gildi
Kenndar verða æfingar sem efla athygli, sjálfsvitund, hlustun og samkennd. Fjallað er um hvernig þessar einföldu en áhrifaríku æfingar dýpka tengingu okkar við okkur sjálf, samfélagið og jörðina.
Samvinna, samstarf og aðgerðir
Umræður og æfingar um samvinnu, traust og skapandi hugsun og hvernig Innri þróunarmarkmiðin geta stuðlað að persónulegum vexti og jákvæðri umbreytingu í átt að sjálfbærara samfélagi.
Námskeiðið hentar öllum sem vilja staldra við, dýpka tengingu við sjálfa sig og lifa meðvitaðra lífi.
Heyrðu í okkur til að bóka námskeið fyrir þinn hóp!
